PATRICIA MIRIAM MARTÍNEZ IGLESIAS

Nació’l nel añu 1970 nel Conceyu Samartín del Rei Aurelio.

Cursó estudios de pianu nel Conservatoriu’l  Valle del Nalón, y darréu nel Conservatoriu superior Eduardo Martínez Torner d’Uviéu , onde tamién estudió oboe y violín. Componente de la Banda Música de Llangréu, nella ta casi una década, primero como saxofonista y dempués como oboe solista.

Diplomada n’Educación musical, tien na so haber numberosos cursos de dirección coral y orquestal, tantu a nivel nacional como internacional, con profesores de la talla de Hans Dieter Reinecke, Joahn Duick, Edwin Lists, Lluis Vila, Laszlo Heltzay… amás de múltiples cursos de pedagoxía musical, interpretación, cantar, composición….etc.

La so trayectoria entama nel añu 1983 dirixiendo coros d’ámbitu llocal, pa pocu dempués tomar la dirección artística y musical de formaciones más relevantes dientro del panorama coral asturianu, como la Coral Polifónica Piloñesa Ars Nova, el Coru’l Centru Asturianu d’Uviéu, o’l mesmu Ochote Llangreanu, del que ye directora dende la so fundación.

Tien nel so haber dellos galardones de prestíu nacional ya internacional coles sos formaciones: Primeros premios nel Concursu y Amuesa de Folklore Ciudá d’Uviéu, Llires de Plata y Bronce nel Concursu Internacional de San Vicente de la Barquera, Premiu Axuntábense a la meyor obra d’orixe, Tercer Premiu nel Concursu Internacional de Folklore en Bolzano -Italia…. y menciones especiales, como’l Faisán de Bronce concedíu pel Centru Asturianu de Madrid.

N’avientu de 2015 l’Ayuntamientu Piloña concedió-y la so Medalla al Méritu en reconocencia al espardimientu la cultura a traviés de la música.

Anguaño ta al cargu de la dirección musical del Ochote Llangreanu, la Polifónica Piloñesa, l’Orfeón Principado “Antolín de La Fuente” d’Uviéu, l’Asociación Piloñesa Musical de la Fonte, y ye profesora na Escuela de Música de Piloña.