L’Ochote Llangreanu dispon d’un ampliu repertoriu de bien diversos estilos.  La música popular asturiana tien ensin dulda un pesu importante, pero tienen cabida igualmente la polifonía nacional ya internacional, tantu contemporanea como de sieglos pasaos, y más en detalle estilos como les habaneres, los boleros, o la música relixosa, ente otros.

Poro, ye un repertoriu que s’afai a tou tipu de contestos y actuaciones, ya sían conciertos o celebraciones relixoses o civiles de toa índole. La versatilidá d’estilos musicales ye una de les señes d’identidá d’esta formación coral.